X
تبلیغات
رایتل
چیله شوی خرید الآن بازاره
هندونه ،لبو ،سِره اناره
شیرینه آجیل ، شربت و چایی جوره
سفره مین نن ،همه نِشن چِ داوره
سیا قاتق سوزی کوکو حاضره
سوزی پلا با ماهی ترشه تاره
دَه دَه نَ وان بایه حافظ آکرم
وا شمه روزگار خشه باهاره
نیت کَرم هرگز غرصه مداره
زومستونی سغه جانی بداره 
خردَنونه وام شمه گوش بداره
هنته روسوماتی نی چاک بداره
غرصه شمه دیلی دیله مداره 
خنده غمی را استهچاره
هیکس دِنیا اومه نیه دِواره
مَنش گوشه مَش کِنج و کناره
هرکس خشه مَوایه اَ بی عاره
دیل خشی دوای روزگاره
موشکیلاتی شمه را سخت مَداره 
رنج ودردون را مَکَ ناره
همه را چاک ببه خوبی بکره
هردسی نه آدیه هی ویگِره
هیکسی را ناجه ی بد مَداره 
هنته ببه کاررون دوزو تیاره
شمنه وام سره سیفِم گول یاسِم اَنارِم
چم حرفون شمه نی ویر بداره
هرجا مندیرونه نزیک یا دوره
چاکه شوون باهم بنیه داوره
ام شمه وچم مینی قراره
هیچ مَگِره یندی کو ده کناره
نااهل مبه روحم نی شاد بداره
روحم شمه خشی یون گوشه داره 
شعر از زلیخا صبا تقدیم به عزیزانم 
ویرایش شده شعر چیله شو صبا
عکس ‏‎Zoleykha Saba‎‏
نظرات (0)
امکان ثبت نظر جدید برای این مطلب وجود ندارد.