X
تبلیغات
رایتل

مشته اسمال ختیره

 مشته اسمال  شهر دره ایداره /اداره برقی کو کار کری   چه آوادی هلا برق نداری و بیس دا سی کیلو متر شهری کو دورا ستا،واشتن آوادی  کوکیخدا یا و خیلی  زاکون داری  وهمه را پیله تری کری وچه گفی سر کسی گف نژنی ، مشته اسمال /اسماعیل  اشتن که  دره نی   چاکه دده  یا  واشتن خرد خالی جوری آموتشوا  که دا مای که سفره پهن نا ابیسته و همیشه  خورشی سر گولی بی مشته اسمالی پیش بنین ، مشته اسمال پینج گله کینه دار ی که هری ای سال و نیم یندینه روک و پیلی دارین  ، مشته اسمال ای کلانتره ژنی داری  که^ که داری وزندگانی داری کو  آوازه داری ."

  مشته اسما  ل بضی شوون شو کارا وبیسته  ایداره بومونی  چوون که آوادی دره جاده لبی نوئا ،  که دزدون گذر ام  جاده  استا، دزدن که مردومون گا مالون واسبون دزدین ام جاده نه انور ا ور برین  ،مشته اسمالی ژن حواسشا که دزدن ودشبند ن وبضی ناخلفه ادمن مه فهمن که  اشته کینه خردنون  که کوتنخا منده   وپیله بالشی لفی بنی کو نی  واشتن فانوسه چرا پیگری که داوره گردی  وپیله ده خاله ماشه سیا پارچه پبشی  که دزدن خیال بکرن تفنگه   و  چن دیقه به چن دیقه  ماقه / موقعی که آدم جاده کو رد آبین بلند وای مشت اسمال ختیره بری دی یس سرو صتا چه ویا خردنو نه  که لفی بنی جیرینا وای جغ مکره شمه دده موندی داره  خسته یه بدا بخس  : انجور انجور  چن سال گذشته چوون آوادی برق اومه وخردنن پیله ابینه و دزدن کم آبینه  وزمونه نی آگرده . نگارنده  زلیخاصبا

نظرات (0)
امکان ثبت نظر جدید برای این مطلب وجود ندارد.