چیله شوشعر تالشی زلیخا صبا ماسالی تالش

چیله شو
چیله شوون تا صب نشم داوره
باهم هرم چیله کاوشوچره
نیت کرم فال حافظ آکَرَم
هروری کو وایم هَزار خاطره
ام جوره شوون شمه وی بداره
وختی نیمونه اَمه ویر بوأره
چیله شوی خریدمون بازاره
هندونه ولبو سِره اناره
شیرینی و آجیل نی همه جوره
نَیَم سفره مینی نِشم چِ داوره
سیا قاتق سوزی کوکو حاضره
سوزی پلا با ماهی ترشه تاره
دَه دَه نَ وان بایه حافظ آکره
وا شمه روزگارخوبه باهاره
نیت کَرم هرگز غرصه مهره
زومستونی سغه سر سَر بِبَره
خردَنونه وام شمه گوش بداره
هنته روسوماتی نی ویر بداره
غرصه شمه دیلی کوهیچ مداره
غمیرا استه ام ای راه چاره
هیچکس دِنیا اومه نیه دِواره
مَنش گوشه مَگر کِنج و کناره
هرکس خشه مَوایه اَ بی عاره
دیل خشی دوایع روزگاره
موشکیلاتی شمه را سخت مَداره
رنج ودردون رانی مَکَره ناره
همه را چاک ببه خوبی بکره
هردسی نه آدیه هی ویگِره
هیچکسی را آرزو بد مَداره
هنته ببه کاررون دوزو تیاره
شمه نه وام سره سیفِم گول یاسِم اَنارِم
چمع حرفون شمه نی ویر بداره
هرجا مندیرونه نزیک یا دوره
چاکه شوون باهم بنیه داوره
ام شمه وچمع مینی قراره
هیچ مَگِره یندی کو ده کناره
نااهل مبه روحم نی شاد بداره
روحم شمه خشی نی گوشه داره
شعر از زلیخا صبا تقدیم به عزیزانم