درباره من
من زلیخا صبا اهل ماسال تالش در این وبلاگ شماوعلاقه مندان را با شعر وفرهنگ واداب وسنن مردم ماسال وتالش آشنا میکنم.
ادامه...
عهد نوروزانه زلیخا صبا ماسال تالش
بری عیده روزه و مِلگِزاره
غمی راه دَوَسته دیل بی قراره
تازه سالی خِشه دیل روز آکَرَم
شادیون ،هِنته روزون دوز آکَرَم
اَگَ ،کِ سالیار سختا خَزونا
روزگار ای وَرا دیل نا میزونا
دَپَرچین کَنه غِرسه هون فِر آده
محیبتی رَفقون کَ دَر آده
مَ گِ سَرده زومُستونی دِ دَسی
شَخته ژنده دیلِر ؟ سَسِم نِمَسی؟
بدی هون گَرمه وا آده بوشو دور
روکته تاو آده اِشتِ دیلی نور
مَوا تنه بدیمه تا قیامت
تنه اَزچِ بوام سَرر سلامت
ویرر اِستا نشیمون تا صِبه دَم
چمه دیلیکو بَرشی غِرسه و غم
با هار اومه چِرا کَ کو دَخسی
اِشتن اَ راه مَژن کی کوتِ ترسی؟
عیده رو ز آ اَوه سال آ ،باهار آ
دیلم خِش بو کوکو سَس و هَزار آ
نیت کَرَم دَگته غم مَبَیَم
یارون دیلی آچینده زَم مَبَیَم
سِرَه دیلی پِنَیَم گرمه دَسی
تنگه وَختی دَکَرَم یَندی سَسی
دی یَس عُمر چنته تیلِ و کتایه
دنیا تِ را نِمونو راش سیفایه
بری اوسال خوبی ریه دَچینَم
بدی یون مَوینم چمی وی چینم
چاکَ کارون یَندی را دوز آکَرَم
تاریکه شَو یَندی را روز آکَرَم
خِدارا شکر اوسالی ویندِمونه
چمه دارون میوهون چیندیمونه
خِدایا تِ کوخام بِبَم سلامت
مَویگِر چمه بدی را غِرامت 2
زلیخا صبا
سوزه گیریه زلیخا صبا ماسال تالش
سوزه گیریه چه آهی مبتلا به
خاکه ویچیر گیرفتار بلا به
وختی اسپه آدمی نه که نشع
رمه کو دور آبو سر بع هوا به
بی حرمتی کرن چمه آوونه
چمه سر لول آبوآونی طلا به
یا کوکر کوری فرمونی نبرع
هرکسی صب ایزی یاپادشا به
مکر گرگر خری را کع نوارع
خیلی وخته خر از وارش سیفا به
زونه آدم طبیعتی پسندهِ
چه دار وچه شاخه سوزه ویسندهِ
اشتن کفا وینع جیری نگردع
همه چی زیرو رو پادر هوا به
سوزه گیره بی پا وبی نوا به
سوزه گیریه بی پا و بی نوا به
سروده زلیخا صبا
صبی روز آبو زلیخا صبا ماسال تالش
چم انتظار
تاریکه شو بوشو صبی روز آبو
خدا کو خام اشتع کارنی دوز آبو
دِ چمم دریکو بَ تا در آبو
اِشتع قدی وینم دیلم شاد آبو
بِمرم اَز اشتع قد و بالا را
غمی تع مداری دیلرشاد آبو
تنخا
حَو صَلَم سَر اُومه اَز کا بوشوم کا
فیکر وخیال هَرزع از سا بوشوم سا
تنخایی اَز در و دییار دی یَسم
سوزه باغی بوبو اَز ها بوشوم ها
اشعار تالشی از زلیخا صبا
عمرم گذری زلیخا صبا ماسال تالش
عمرم گدری
ددسی نه تع بیگر اشته سری
تنه مع چ واتمه زیر نه پری
چرا تع گوش نکری چم لوعه
هنی پره رایی شی تع ای وری
ای روزی وینی کع از منده نیمه
بده تع ام جوره روزی ویر وری
ابیاتی از سروده عمرم گدری زلیخا صبا
عکس اسمان ییلاق از زلیخا صبا
اَوه سالن زلیخا صبا ماسال تالش
له له ژن له له بژن تالشه سازن ویرم آ
اَوه سالن ویرم آ اوی آبه سالن ویرم آ
گیریه سر مغربه سا آفتاوه نش
گادوشی ماله دخون
موندهون ونگن ویرم آ
اوه سالن ویرم آ اوی آبه سالن ویرم آ
کوچه روز مفرشه بار چاروادارن
اسبه سوارن ویرم آ
اَوه سالن ویرم آ اوی آبه سالن ویرم آ
زلیخا صبا
